Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



05 Iyun
2019
06:00
2145

05
Iyun
06:00




“Culture Guide” mədəniyyət bələdçisinin iyun sayı çapdan çıxıb

Ölkəmizə təşrif buyuran qonaqlara Azərbaycanın tarixi, mədəni irsi, zəngin incəsənəti, müasir mədəniyyəti, sənət ocaqlarının fəaliyyəti, eləcə də bölgələrimizin mədəni palitrası barədə dolğun məlumat vermək, onların ölkəmiz barədə təəssüratını yaddaqalan etmək təbliğat baxımından xüsusi önəm kəsb edir.

Mədəniyyət Nazirliyindən XeberOxu.Az-ın verilən məlumata görə, bu məqsədlə nəşr olunan “Culture Guide” kataloqunun iyun sayı çapdan çıxıb.

Nəşr “Baku Guide” MMC tərəfindən ingilis və rus dillərində hazırlanıb.

Xatırladaq ki, “Baku Guide” markası altında daha öncə eyniadlı turistik jurnal-kataloq nəşr edilirdi. “Culture Guide” isə ingilisdilli və rusdilli oxuculara mədəniyyətimizin bələdçiliyini edir.

Nəşr Azərbaycan haqqında, ölkəmizin keçmişi, müasir inkişafı, mədəniyyətimizin tarixi mənzərəsi ilə bağlı təqdimat yazısı ilə açılır. Yazıda həmçinin Azərbaycanın müsəlman Şərqində ilk peşəkar teatrın, kinematoqrafın, operanın yarandığı ölkə olduğu, Orta əsrlərdən Nizami, Nəsimi, Füzuli kimi şair-mütəfəkkirləri ilə tanındığı vurğulanır, 2019-cu ilin ölkəmizdə “Nəsimi ili” elan olunduğu diqqətə çatdırılır.

Bu il ölkəmizin mədəni həyatında ən mötəbər beynəlxalq hadisə 30 iyun – 10 iyul tarixlərində Bakı şəhərində keçiriləcək UNESCO-nun Dünya İrs Komitəsinin 43-cü sessiyası olacaq. Dünyanın 180-dək ölkəsindən 3 minə yaxın nümayəndənin qatılacağı tədbir, eləcə də Dünya İrs Komitəsinin fəaliyyəti haqqında nəşrdə ətraflı məlumat verilir. Diqqətə çatdırılır ki, Bakı postsovet məkanında UNESCO səviyyəli bu böyük tədbirə ev sahibliyi edəcək sayca üçüncü (Vilnüs və Sankt-Peterburqdan sonra) şəhərdir. Dünya İrs Komitəsinin 43-cü sessiyası çərçivəsində Bakıda daha iki beynəlxalq tədbir – “Gənc peşəkarların forumu” və “Abidə menecerlərinin forumu” da təşkil olunacaq.

Paytaxtın mədəniyyət ocaqları dünyanın hər yerindən ölkəmizə gələcək qonaqlara mədəni irs və incəsənətimizi layiqincə təqdim etmək üçün zəngin və maraqlı tədbirlər proqramı, repertuar hazırlayıblar. “Culture Guide”ın iyun buraxılışında şəhərdəki teatrlar, konsert müəssisələri, muzeylər, kino zallarının aylıq afişası ilə yanaşı, hər bir mədəniyyət ocağı, onların yerləşdiyi tarixi binalar haqqında informasiya, ünvan və telefon nömrələri, eləcə də Azərbaycan Milli Kitabxanası, Gənclər, Uşaq kitabxanaları, qalereya və sərgi salonları, digər sənət məkanları haqqında məlumat verilir. Nəşrdə Bakının tarixi və müasir memarlıq nümunələri, İçərişəhər, minilliklərin daş yaddaşı olan Qobustan qoruğundan da söz açılır.

“Culture Guide” ölkəmizin regionlarındakı mədəni irsə, incəsənət həyatına da xüsusi diqqət ayırır. Nəşrin növbəti buraxılışında Mədəniyyət Nazirliyi təşkilatçılığı ilə iki ay davam edən “Bölgələrdən bölgələrə” yaradıcılıq festivalının yekunları barədə söhbət açılır. “Açıq səma altında muzey-şəhər” adlı yazıda Şəkinin qədim tarixi-mədəni irsindən, “Azərbaycanın çoxəsrlik tarixə malik misgərlik sənəti” sərlövhəli materialda UNESCO-nun siyahısına daxil edilmiş bu xalq sənətinin İsmayıllı rayonun Lahıc qəsəbəsindəki əsrlərlə yaşadılmasından bəhs olunur.

Nəfis tərtibatda hazırlanan mədəniyyət bələdçisinin üz qabığında ənənəvi olaraq görkəmli rəssamlarımızın məşhur əsərlərinin reproduksiyası verilir. Bu dəfə “Culture Guide”ın üz qabığında Xalq rəssamı Nadir Əbdürrəhmanovun “Sevimli naxışlar” tablosu əks olunub.

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Leyla Əliyeva "Bizim həyət" layihəsi çərçivəsində abadlaşdırılan həyətdə - FOTO







Həbib Nurməhəmmədov 3-4 döyüşdən sonra karyerasını bitirəcək







Komitə sədri: Azərbaycanda Aşura mərasimi çox sakit şəraitdə keçdi







Gələn ay “Ali təhsil haqqında” qanun layihəsinin müzakirəsi keçiriləcək


Digər Mədəniyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az