Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



04 Iyun
2019
22:30
1167

04
Iyun
22:30



Aİİ-nin kafedra müdiri UNEC-də məruzə ilə çıxış edib

Azərbaycan İlahiyyat İnstitutu (Aİİ) İslamşünaslıq kafedrasının müdiri Əhməd Niyazov, Mənəvi Dəyərlərin Təbliği Fondu (MDTF) icraçı direktorunun müavini Ceyhun Əliyev Azərbaycan Dövlət İqtisad Universiteti (UNEC) Biznes və menecment fakültəsinin və Meybullayev İslam İqtisadiyyatı Mərkəzinin birgə təşkil etdikləri “İslam iqtisadiyyatı, sosial ədalət və multikultural dəyərlər” mövzusunda elmi seminarda iştirak ediblər.

İlahiyyat İnstitutundan Xeberoxu.az-a verilən məlumata görə, biznes və menecment fakültəsinin dekanı, dosent Mirağa Əhmədov seminarın mövzusunun aktuallığına diqqət çəkərək, ölkəmizin islami dəyərləri qoruyub saxladığını və təbliğ etdiyini bildirib. Bu dəyərlərin təməlində tarix, adət-ənənələr, milli mentalitet, mədəniyyət və digər amillərin dayandığını vurğulayıb.

İslam iqtisadiyyatının ictimaiyyətdə sosial ədaləti təmin etmə əsasında nizamlandığından bəhs edən Əhməd Niyazov bunun mərkəzində insan amilinin dayandığını vurğulayıb.

Kafedra müdiri qeyd edib ki, fərdin yaşadığı məkanda və ətrafında olan yetim, yoxsul, kasıb və ehtiyac sahiblərinə qarşı xeyirxah və qayğıkeş davranması onun sosial məsuliyyətidir. Ə.Niyazov İslamda zəkat, xüms, fitrə, fidyə, nəzir və kəffarə kimi ibadət növlərindən danışarkən bildirib ki, bu ibadətlər ehtiyac sahiblərinin məişətinin yaxşılaşdırılması məqsədini güdən tətbiq sahəsidir.

Ceyhun Əliyev İslam dinində iqtisadi münasibətlərin ədalət və dürüstlük prinsiplərindən bəhs edib. Dini-mənəvi dəyərlərin bütün sahələrdə olduğu kimi, iqtisadi sahədə də qarşılıqlı hörmət və ehtirama çağırış etdiyini deyib.

“Biznesin idarə edilməsi” kafedrasının müəllimi Emilya Əhmədova “Qlobal İslam iqtisadiyyatı” mövzusunda çıxış edərək, İslam iqtisadiyyatına artmaqda olan maraq və bu marağı şərtləndirən amilləri açıqlayıb.

Meybullayev İslam İqtisadiyyatı Mərkəzinin rəhbəri, dosent Sərvinaz Xanlarzadə İslamın əsas məqsədinin yoxsulluğun aradan qaldırılması və insanların rifah səviyyəsini artırmaq olduğunu bildirib. Həmçinin İslam iqtisadiyyatında sosial ədalətin qorunması və bərpasının ən vacib amil olaraq göstərildiyini diqqətə çatdırıb.

Sonda mövzu ilə bağlı suallar cavablandırılıb.

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Qeyri-sabit hava nə vaxtadək davam edəcək?







Bakıda xanım sürücü qəza törədib







Arvadını döyüb balkondan atdı, sonra da yatdı.







Bərdədə 41 yaşlı kişi evinin qarşısında döyüldü


Digər Cəmiyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az