Haqqımızda   Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



08 Noy
2019
17:15
123

08
Noy
17:15



BMT-nin son qətnaməsi Ermənistanda faşizmin təbliğinin dövlət siyasəti səviyyəsinə qaldırılması əleyhinə töhfədir - Deputat

BMT Baş Assambleyasının nasizmin, neonasizmin qəhrəmanlaşdırılması və ondan irəli gələn fəsadların aradan qaldırılması ilə bağlı qəbul etdiyi növbəti qətnamə Ermənistanda da faşizmin təbliğinin dövlət siyasəti səviyyəsinə qaldırılması əleyhinə töhfə verə bilər.

XeberOxu.Az xəbər verir ki,bunu Trend-ə Milli Məclisin deputatı Elman Nəsirov deyib.

Deputat bildirib ki, bu gün dünyada çox qorxulu bir tendensiya müşahidə olunmaqdadır və bir sıra dövlətlərdə faşizm, onun ayrı-ayrı istiqamətləri, xüsusilə də neofaşizm təbliğ olunur, qəhrəmanlaşdırılır:

“Bu isə özlüyündə irqi diskriminasiyanın, ksenofobiyanın genişlənməsinə şərait yaradır və bütün bu təhlükəli tendensiyalarla mübarizə aparmaq lazım gəlir. Artıq dünyamızda neofaşizm dalğasının yaranması və inkişafı tendensiyası qorxulu hal almağa başlayıb.

Azərbaycan Prezidenti MDB dövlət başçılarının Aşqabad sammitində məhz bu məsələni xüsusi olaraq qaldırdı və qeyd etdi ki, bu gün Ermənistanda faşizmin qəhrəmanlaşdırılması, faşizmə xidmət etmiş cinayətkarlara abidələrin qoyulması, onların təbliği siyasəti geniş vüsət alıb. Prezident İlham Əliyev Qaregin Njdeyə qoyulan heykəli misal çəkdi və faktlarla da sübut etdi ki, faşizmin təbliği, qəhrəmanlaşdırılması Ermənistanda dövlət siyasəti səviyyəsinə qaldırılıb.

Hesab edirəm ki, cənab İlham Əliyevin Aşqabad sammitindəki çıxışına böyük diqqət var idi və artıq bu məsələyə BMT çərçivəsində də reaksiya verilib”.

Deputatın sözlərinə görə, bu, çox ciddi təhlükə mənbələrinə qarşı mübarizənin həm də koordinasiya olunmuş şəkildə aparılamsı olduqca aktuallaşıb:

“Düşünürəm ki, BMT Baş Assambleyasının qəbul etdiyi bu qətnamə nəticə etibarı ilə Ermənistanda da faşizmin təbliğinin dövlət siyasətinə qaldırılması əleyhinə töhfə verə bilər. Nəzərə alsaq ki, bu layihənin müəlliflərindən biri məhz Rusiyadır və eyni zamanda, Rusiya Xarici İşlər Nazirliyinin 2019-cu ilin may ayındakı hesabatında da bu məqamlar ön plana çəkilir, xüsusilə də Ermənistanda faşizmin təbliği siyasətinə çox kəskin reaksiya ifadə olunduğunu deyə bilərik.

Artıq indidən proqnozlaşdırmaq olar ki, BMT səviyyəsində məsələnin bu cür kəskin şəkildə qoyulması Ermənistanın faşizmi qəhrəmanlaşdırmaq siyasətindən geri çəkilməsini və siyasətdən imtina etməsini şərtləndirməlidir. Əks tədqirdə, belə çıxır ki, Ermənistan beynəlxalq birliyə meydan oxumaq fikrinə düşüb. Hesab edirəm ki, beynəlxalq birlik bu məsələdə çox qətiyyətli və prinsipal mövqe ortaya qoymalıdır”.

Qeyd edək ki, noyabr ayının 7-də BMT-nin Baş Assambleyası nasizmin, neonasizmin qəhrəmanlaşdırılması və ondan irəli gələn fəsadların aradan qaldırılması ilə bağlı növbəti qətnamə qəbul edib.

Qətnamə layihəsinin müəllifi Rusiya olub. Həmmüəllif qismində 23 ölkə, o cümlədən Belarus, Braziliya, Cənubi Afrika Respublikası, Çin, Pakistan, Suriya və Şimali Koreya iştirak edib.

Qəbul olunan qətnamə 66 bənddən ibarətdir. Qətnamə səsə qoyularkən 123 ölkə səsvermədə itirak edib, 121 ölkə qətnaməni dəstəkləyib, 2 dövlət isə əleyhinə səs verib.

Məqalə:



Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Radiasiya yüksək olan ərazilərdə pol-pola qəbul edilməsi məsləhətdir







Anar Ağakişiyev: Öz kosmetika brendimi yaradıram







Şəki sakini "Opeli" aşırdı, xəstəxanaya aparılarkən yolda öldü







“InvestAZ”-dan dünya maliyyə bazarları ilə bağlı həftəlik analiz


Digər Siyasət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az