Canlı TV  Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



01 Okt
2019
04:00
399

01
Okt
04:00



Ombudsman Aparatının əməkdaşları ENOC-un 23-cü illik konfransında iştirak ediblər

İnsan Hüquqları üzrə Müvəkkil (Ombudsman) Aparatının Protokol sektorunun müdüri Gülnar Rəhimova və Elmi-analitik sektorun əməkdaşı Lamiyə Zeynalova bu günlərdə Şimali İrlandiyanın Belfast şəhərində Avropa Uşaq Ombudsmanları Şəbəkəsinin (ENOC) 23-cü illik konfransında və Baş Assambleyasında Şəbəkənin üzvü kimi iştirak ediblər.

Ombudsman Aparatından XeberOxu.Az-a verilən məlumata görə, "Rəqəmsal Mühitdə Uşaq Hüquqları" mövzusuna həsr edilmiş beynəlxalq tədbirə ENOC-a üzv seçilmiş ölkələrin uşaq hüquqları üzrə ombudsmanları və onların nümayəndələri, müşahidəçi qismində olan ombudsmanlar və məsul əməkdaşları qatılmışlar.

Qeyd olunmalıdır ki, Azərbaycan Ombudsman təsisatı İnnoçenti Tədqiqat Mərkəzinin tövsiyəsi ilə hələ 2008-ci ildə Avropa Uşaq Ombudsmanları Şəbəkəsinə üzv seçilmişdir. Ombudsman Elmira Süleymanova həmin qurumla əməkdaşlıq çərçivəsində uşaq hüquqlarına dair müxtəlif işçi qruplarının üzvü kimi, öz innovativ təşəbbüsləri və zəngin təcrübəsi ilə bu təşkilata öz töhfələrini verir. Belə ki, məhz Azərbaycan Ombudsmanının tövsiyəsi üzrə 2010-cu ildən başlayaraq, ENOC tərəfindən Avropa Gənc Məsləhətçilər Şəbəkəsinin (ENYA) layihəsi həyata keçirilməkdədir.

Adı çəkilən konfransda üzv təsisatların təmsilçiləri, o cümlədən təsisatımızın əməkdaşları illik fəaliyyətləri haqqında təqdimatla çıxış etmiş, mövcud milli təcrübə və qazanılmış nailiyyətlər haqqında fikir mübadiləsi aparmış, eləcə də uşaq hüquqları sahəsində beynəlxalq və Avropa səviyyəsində yeni inkişaf istiqamətləri haqqında məlumat platforması yaratmışlar.

Ombudsman təsisatının əməkdaşları konfrans çərçivəsində həssas uşaqlar, təhsil və iştirak hüquqları, uşaqlara qarşı zorakılığın qarşısının alınması, uşaq hüquqlarının təşviqi, ailə və alternativ qayğı, sağlamlıq və rifah, rəqəmsal bacarıqlar və biliklər, kibercinayətə dair strategiya və s. mövzularında sessiyalarda da iştirak edərək, təmsil etdikləri qurumun bu istiqamətdə tutduğu mövqe və həyata keçirdikləri tədbirlər barədə məlumat vermişlər.

Ötən illərdə Ombudsmanın uşaq hüquqları üzrə resurs mərkəzi olan Azərbaycan Uşaq və Gənclərin Sülh Şəbəkəsinin (AUGSŞ) üzvləri ENYA layihələrində fəal iştirak etmiş, layihələr çərçivəsində bir sıra Avropa ölkələrindən həmyaşıdları ilə fikir mübadiləsi aparmış, habelə Fransanın, Paris və Strasburq, İspaniyanın Barselona, Şimali İrlandiyanın Belfast, Polşanın Varşava, Yunanıstanın Afina şəhərlərində keçirilən görüşlərdə fəal iştirak etmiş, müvafiq təqdimatlarla çıxış etmişlər.

Qeyd olunmalıdır ki, 23-cü illik konfransın yekun bəyanatı hazırlanmış, ENOC-un üzv dövlətlərindən olan Azərbaycan tərəfinin hərbi münaqişələr şəraitində əhalinin həssas qruplarından olan xüsusi qayğıya ehtiyaclı uşaqların hüquqlarının müdafiəsi ilə bağlı təklifləri nəzərə alınmış və bu bəyanatda öz əksini tapmışdır.

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Bakıda silsilə oğurluqlar edən Ağdaş sakini saxlanıldı







Bakı Dövlət Sirki köçür?







DİN qanunsuz aksiya keçirmək istəyənlərə xəbərdarlıq edib - VİDEO







Baş həkim Xocavənd RİH əməkdaşının ölüm SƏBƏBİNİ açıqladı


Digər Cəmiyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az