Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



11 Iyun
2019
17:04
1002

11
Iyun
17:04




PAŞA Bank “MDB və Qafqaz ölkələrində kiçik və orta sahibkarlıq sahəsində ən innovativ banklar" siyahısına daxil edilib

Azərbaycanın aparıcı korporativ bankı "PAŞA Bank" bank sektoruna yeniliklərin gətirilməsində fəal rol oynadığına görə ötən ilin yekunlarına əsasən MDB və Qafqaz ölkələrində kiçik və orta sahibkarlıq sahəsində “Ən innovativ banklar" siyahısına daxil edilib.

Bankın mükafat ilə təltif edilməsi beynəlxalq bank icması “SME Banking Club” tərəfindən Tbilisidə keçirilən V illik beynəlxalq bank konfransı çərçivəsində baş tutub.

PAŞA Bankın Kiçik və Orta Sahibkarlıq Xidmətləri departamentinin direktoru Aleksandr Qolovkonun sözlərinə görə, "PAŞA Bank"ın bu mükafata layiq görülməsi bankımızın SME bankçılığı sahəsinin doğru istiqamət üzrə inkişafının və bu istiqamətdə əldə edilmiş nəticələrin layiqincə qiymətləndirilməsinin təzahürüdür.

"Ötən il ərzində biz bazara təklif etdiyimiz məhsul və xidmətlər çeşidini genişləndirmək, kiçik və orta sahibkarlığın maliyyə resurslarına çıxışını sadələşdirmək və onların maliyyələşdirilməsini iki dəfə artırmaq ilə yanaşı, bizneslər üçün yeni texnoloji həllər təqdim etdik. Beləliklə, Azərbaycanda ilk dəfə olaraq "PAŞA Bank" əlverişli həll yolu olan korporativ “Tacir kart” məhsulunu bazara çıxardı, eləcə də hesablaşma-kassa əməliyyatlarında yeni yanaşma olan tarif paketlərini təqdim etdi. Artıq bu gün fərdi sahibkarlar və hüquqi şəxslər innovativ həll sayəsində yalnız 5-10 dəqiqə ərzində onlayn hesab açmaq imkanına sahibdirlər. Kiçik və orta sahibkarlıq sektorunun iqtisadiyyatın inkişafının ən vacib təkanverici qüvvələrindən biri olduğunu dərk edərək bu sektorun xidmət ilə təmin olunması, rahat və innovativ həllərin təmin edilməsi "PAŞA Bank"ın növbəti illərdə fəaliyyətinin prioritet istiqamətlərindən biridir", - deyə A. Qolovko bildirib.

Regiondakı aparıcı maliyyə qurumlarının iştirak etdiyi bu tədbirdə "Bankların transformasiyası, rəqəmsal bankçılıq, kiçik və orta sahibkarlığın maliyyələşdirilməsi, innovasiyalar və marketinq strategiyaları" əsas müzakirə mövzusu olub. Konfrans əsnasında ekspertlər kiçik və orta biznesin nümayəndələrinin qarşılaşdığı problemlər, qanunvericiliyə edilmiş müvafiq dəyişikliklər, fintek şirkətlərin dinamik inkişafı və digər aktual mövzular ətrafında fikir mübadiləsi aparıb.

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Həbib Nurməhəmmədov 3-4 döyüşdən sonra karyerasını bitirəcək







Bədii gimnastika üzrə dünya çempionatında halqa ilə hərəkətlərdə finalçılar məlum olub







Komitə sədri: Azərbaycanda Aşura mərasimi çox sakit şəraitdə keçdi







Gələn ay “Ali təhsil haqqında” qanun layihəsinin müzakirəsi keçiriləcək


Digər İqtisadiyyat xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az