AZ | RU
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə





14 Mart
2019
15:35
363



Xanlar Fətiyev: Gəncə daim dövlət başçısının diqqətini hiss edir

Gəncədə Prezident cənab İlham Əliyevin müəyyənləşdirdiyi strateji vəzifələrin uğurla və vaxtında həyata keçirilməsi üçün əməli tədbirlər bundan sonra da davam etdiriləcək. İqtisadi inkişafa nail olmaq, şəhərin sosial infrastrukturunu yeniləmək məqsədilə dövlət başçısının Gəncəyə ayırdığı 11 milyon manat maliyyə başlanılan vacib işlərin başa çatdırılmasına yardımçı olacaq.

Xeberoxu.az xəbər verir ki,bu fikirləri Trend-ə açıqlamasında Gəncədən olan millət vəkili Xanlar Fətiyev söyləyib.

Onun sözlərinə görə, son 15 ildə Gəncə çox inkişaf edib və müasirləşib: "Yeni binaların tikintisi, bir sıra təhsil və səhiyyə ocaqlarının əsaslı təmir olunması, qəsəbələrdə yolların təmiri, şəhər ərazisində su və kanalizasiya sisteminin yenilənməsi, çoxmənzilli binaların dam örtüklərinin dəyişdirilməsi, yeni idman qurğularının və qəsəbə meydançalarının yaradılması bunu deməyə əsas verir".

Millət vəkili qeyd edib ki, bu günlərdə Gəncədə 2018-ci ilin yekunları və 2019-cu ildə qarşıda duran vəzifələrə dair Şəhər İcra Hakimiyyətinin hesabat yığıncağında son illər görülən işlərdən danışılıb və bildirilib ki, hesabat dövründə Gəncə Şəhər Prokurorluğunun və Gəncə Hərbi Prokurorluğunun müasir tələblərə cavab verən yeni inzibati binaları istifadəyə verilib: "Gəncə Dövlət Dram Teatrının yeni 500 yerlik binasının və İdman Sarayının inşası aparılır. Bununla yanaşı, Gəncə-Bakı avtomobil yolunun sağ tərəfində, 2,5 hektar ərazidə 2 mərtəbəli Baş Dövlət Yol Polis İdarəsinin Gəncə Regional Qeydiyyat-İmtahan və Texniki Baxış şöbəsinin inzibati binasının tikintisi davam etdirilirGəncənin ayrı-ayrı ünvanlarında yerləşən 182 çoxmənzilli binanın dam örtüyü təmir edilib, çoxmərtəbəli binalarda 168 lift əsaslı və cari təmir olunaraq işlək vəziyyətə gətirilib. Hesabat dövründə Gəncənin müxtəlif küçə və prospektlərində, o cümlədən Hacıkənd qəsəbəsində 243 ədəd işıqlandırma dayağı yenisi ilə əvəz edilib, 19 min 165 ədəd müasir işıqlandırıcılar quraşdırılıb.

Şəhərin Nizami Gəncəvi prospekti, F.Əmirov, Bağmanlar, Ş.Bahəddin, Əttarlar, Təbriz, Gəncəvi, Firdovsi, Q.Qarayev, Azərbaycan Bayrağı, İ.Cəfərov, S.Xasayev və digər küçələrində yollar təmir olunub, ümumilikdə 28 km uzunluğunda avtomobil yolu, 50 min kv.metrdən çox səki asfaltlanıb".

X.Fətiyev vurğulayıb ki, hesabat yığıncağında görülən işlər və gələcəkdə həyata keçiriləcək layihələr barədə qeyd olunanları eşitmək çox qürurverici idi: "Cənab Prezidentin Gəncəyə göstərdiyi diqqət və qayğını hər birimiz çox minnətdarlıqla qarşılayırıq. Şəhərimiz artlq Avropa şəhərləri ilə eyni sırada böyük tədbirlərə ev sahibliyi edir. Ümidvaram ki, Azərbaycanın ikinci böyük şəhəri bundan sonra da Cənab Prezidentin dəstəyi və tövsiyələri ilə günü-gündən inkişaf edəcək və ən nümunəvi, gözəl bir şəhərə çevriləcək”.

Xeberoxu.az

© Materiallardan istifadə edərkən hiperlinklə istinad olunmalıdır

Bizimlə əlaqə saxlayın



Bizi Telegram-da oxuyun. Azərbaycanın və dünyanın ən vacib xəbərləri

Ən Çox Oxunanlar







Müdafiə Nazirliyinin nümayəndə heyəti “BOO-2019” növbəti konfransında iştirak edib







Azərbaycanda dörd ayda 436 ədəd minik avtomobili istehsal olunub







Prezident İlham Əliyev Rusiya Elmlər Akademiyasının prezidentini qəbul edib (YENİLƏNİB)







Prezident İlham Əliyev Sabunçu dəmir yolu vağzalı kompleksinin açılışında iştirak edib -FOTO


Digər Siyasət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az