Rusiyanın İrkutsk şəhərindəki Novo-Lenino mikrorayonundakı zibilliklərin birində külli miqdarda insan orqanı tapılıb.

Bir neçə konteynerdən zibilliyə amputasiya olunmuş əl və ayaq hissləri, habelə bu və ya digər tibbi əməliyyatlar zamanı kəsilib götürülmüş digər orqanlar atılıb.

Məlumata görə, yerli sakinlər baş verənləri qorxu içində qarşılayıblar. İlkin araşdırma zamanı məlum olub ki, insan orqanları şəhər xəstəxana və tibbi klinikalarda aparılan əməliyyatlardan sonra xüsusi konteynerlər vasitəsiylə zibilliyə tullanıb.

İrkutsk şəhər prokurorluğu faktla bağlı cinayət işi qaldırıb.