XEBEROXU.AZ
Reklam     Haqqımızda     Əlaqə
 
       Baş səhifə Siyasət İqtisadiyyat Cəmiyyət Şou-biznes Hadisə Dünya Hava proqnozu
Media Mədəniyyət Müharibə Avto-Moto Maraqlı İdman Turizm Haqqımızda Saytın Xəritəsi        RU
Azərbaycanda koronavirusla bağlı xəbərlər
Xeberoxu.az Telegramda
Bütün xəbərlər
XEBEROXU.AZ   RU     



30 Sen
2022
19:11
588
30
Sen
19:11



Əli və Alyoşa – Səbuhi Məmmədli yazır

Rusiyanın Gürcüstanla sərhədində əməlli tıcxac yaranıb. O yolu bir neçə dəfə keçmişəm. Necə deyərlər, dünyanın düz vaxtında orada minik və yük maşınlarının yaratdığı növbənin uzunluğu bəzən 20-30 kilometrə çatır. 

İndi isə dünyanın düz vaxtı deyil. Ümumiyyətlə, dünyanın heç vaxt düz vaxtı olmayıb. Amma indi, 21-ci əsrin 22-ci ilində dünyanın fövqəldövləti – ərazicə təbii - Avropanın ən böyük dövlətinə – yenə ərazicə - qarşı adını xüsusi əməliyyat qoyduğu müharibə aparır.  Və artıq 7-ci aydır ki, Azərbaycan da daxil bəşəriyyət bu qanlı müharibəni seyr edir.

Müharibə isə nəinki səngiyir, hətta yeni vüsət almaqdadır. İş o yerə çatıb ki, Rusiya adını qismən qoyduğu 300 minlik səfərbərlik elan edib. 

Səfərbərlik. Tanış ifadədi. Çox keçməyib, düz iki əvvəl Azərbaycanda da Vətən müharibəsinin başlanmasıyla bağlı qismən səfərbərlik elan edildi. Uzaq keçmiş deyil, yadınızdadırmı, on minlərlə gənc heç bir çağırış vərəqi gözləmədən belə hərbi komissarlıqlara axışırdı. Yaşı, sağlamlığı imkan verməyənlər belə Vətənin müdafiəsinə üz tutmuşdu. Heç kimin səfərbərlikdən yayınmaq ağlının ucundan bnlə keçmirdi. Orduya gedə bilməyənlər isə hamılıqla arxa cəbhədə fədakarlıq göstərirdi.

Qaçmaq, yayınmaq ən axırıncı yol sayılırdı. Çünki Azərbaycan Vətən müharibəsi aparırdı. Haqq idi, ədalətli idi. Evin tək oğlu gənc Əli belə valideyninin yalvarışına məhəl qoymayıb ən ağır döyüşlərə, ön cəbhəyə şığıyırdı.

İndi Rusiyada müharibə səfərbərliyi elan edilib. Azərbaycanlı Əlidən fərqli, gənc rus Alyoşa cəbhəyə yox, sərhədə, qonşu dövlətlərin sərhədinə üz tutur.

Gürcüstanla sərhəddə tıxacın uzunluğu bilinmir. İnsanlar sərhədə qədər gəldikləri avtomobilləri belə dəyər-dəyməzinə satıb vətənlərini tərk edirlər. Çünki bu onlar üçün Vətən müharibəsi deyil.  Onlar nəyin uğrunda döyüşə göndərildiklərini anlamırlar. Bilirisnizmi niyə? Çünki məntiq error verir. Niyə? Nəyə görə? Nədən meyitim Ukraynın  çöllərində qalıb qurda-quşa yem olmalıdır?

Təkcə Gürcustan sərhədimi? Qazaxıstanın Rusiya ilə sərhədindəki çöllərdə insanlıq dramı yaşanır. Monqolustan səhralığı Sibir və Uzaq Şərqdən qaçanlarla doludur.

İndiyədək elə az qala 300 min insanı isti yuvalarını qoyub bu mənasız müharibədən qurtulmaq üçün didərgin düşüb.

Hə, Alyoşa döyüşmək istəmir. Heç Alyoşanın sevgilisi Alyona da bunu arzulamır. Amma…

Amma Əlini nişanlısı Əsli özü göndərmişdi müharibəyə. Boynunu qucaqlayıb, “Salamat gəl, gözləyəcəyəm” deyə. 

Və Əli də qalib qayıtdı…


Xeberoxu.az

Məqalə:  
ANDROID əməliyyat sistemli smartfonlar
Bizimlə əlaqə saxlayın







Digər SOSİAL xəbərləri


Xeberler 2022 və son xeberler 2022 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda      Reklam      Əlaqə

(051) 660-40-00

infoxeberoxu@gmail.com





© Xeberoxu.az 2021 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.