Xarici amillər dünya bazarlarında neftin qiymətinin fərqli dinamika nümayiş etdirməsinə səbəb olub.

Xeberoxu.Az “Prime”a istinadən xəbər verir ki, Bakı vaxtı ilə saat 9.05-ə olan məlumata görə, Şimal dənizində hasil olunan “Brent” neftinin mart fyuçersləri 0,16% bahalaşaraq, 1 bareli 75,92 ABŞ dollarına satılıb. WTI neftinin fevral fyuçerslərinin qiyməti isə əksinə 0,87% düşərək, 1 bareli 73,15 ABŞ dolları təşkil edib.

Təqvim ilinin sonunda neft treyderləri kəskin dəyişikliklərdən çəkinirlər. Bununla belə, yanvarın 4-ü OPEC+ alyansının növbəti iclası keçiriləcək. İclasda hasilatın gündəlik 400 min barel artırılmasının davam etdirilib-etdirilməməsi barədə qərar qəbul ediləcəyi gözlənilir.