XEBEROXU.AZ
Haqqımızda     Əlaqə
 
       Baş səhifə Siyasət İqtisadiyyat Cəmiyyət Şou-biznes Hadisə Dünya Hava proqnozu
Media Mədəniyyət Müharibə Avto-Moto Maraqlı İdman Turizm Haqqımızda Saytın Xəritəsi        RU
Azərbaycanda koronavirusla bağlı xəbərlər
Xeberoxu.az Telegramda
Bütün xəbərlər
XEBEROXU.AZ   RU     



24 Noy
2022
15:55
185
24
Noy
15:55



Bakıda qadın şirkət rəhbərini zəhərləyərək yarım milyon dollarını MƏNİMSƏDİ

Bakı Ağır Cinayətlər Məhkəməsində şirkətin 423 min dollarını mənimsəməkdə təqsirləndirilən Nelli Fabriçnayanın cinayət işi üzrə məhkəmə prosesində şahidlər dindirilib.

Xeberoxu.Az Trend-ə istinadən bildirir ki, hakim Faiq Qəniyevin sədrliyi ilə keçirilən iclasda ifadə verən şahid Gülçöhrə Mehdiyeva bildirib ki, işdə adı keçən şahid Mehriban Atakişiyevanın sifarişi ilə dualar yazıb:

"Uşaqlıqdan Quran dərslərini öyrənmişəm. Müxtəlif dualar yazırdım. Mehriban Atakişiyeva Nelli üçün zərərçəkmiş Əfqan Zeynalovun ona daha çox bağlanması üçün dualar yazdırdı. Buna görə, 1200 manat pul almışam. Nellinin atası və qardaşı üçün də barışıq duası yazmışam. Əfqan müəllimlə telefonda danışaraq hər şeyi etiraf etmişəm".

Daha sonra şahid qismində ifadə verən, şahid Mehriban Atakişiyevanın oğlu Vüqar Əliyev bildirib ki, 29 min manatlıq mikroavtobusun pulunu və evin təmirinə xərclədiyi 8 min manatı ona Nelli Fabriçnaya verib: "Anam mənə dedi ki, səni işlədiyim yerdə sürücü kimi işə düzəldəcəm. Lakin bunun üçün mikroavtobus almaq lazımdır. Əlimdə bir az pul var idi, anam da köməklik etdi, 29 minə maşını aldım. Evin təmirinə isə 8 min pul xərclədik. Bu pulu da Nelli vermişdi. Ev üçün məişət avadanlıqlarını da Nellinin köməkliyi ilə almışıq. Nelli mənə bahalı telefon da aldı. Daha sonra bu pulların oğurluq olması üzə çıxanda maşını 25 minə satdım. Anam ümumilikdə 70 min manatı zərərçəkmiş Əfqan Zeynalova qaytardı".

Zərərçəkmiş şəxsin vəkili məhkəməyə mülki iddia qaldıraraq bildirib ki, təqsirləndirilən şəxsdən 706 min 646 manat tutulsun.

Məhkəmə yerində qısa müşavirədən sonra mülki iddia təmin edib.
Ətraflı

Məhkəmə prosesi dekabrın 5-də davam edəcək.

İttihama əsasən, 2018-ci ildə N.Fabriçnaya Ə.Zeynalovun şirkətində kadrlar şöbəsinin müdiri vəzifəsində işləyib.

Ə.Zeynalovun şirkətləri dəmir yollarının tikintisi üçün "Azərbaycan Dəmir Yolları" QSC ilə müqavilələr bağlayıb. Şirkət eyni zamanda avtomobil yollarının salınması ilə məşğul olub.

Zərərçəkmiş N.Fabriçnayaya inandığından müəyyən işlər görmək üçün qadına etibarnamə verib, hətta onun evindəki seyfə pullar qoyub.

İttihamda göstərilir ki, N.Fabriçnaya seyfdən ümumilikdə 423 min dollar pulu götürərək mənimsəyib. O isə həmin pulların bir hissəsini şirkətin xadiməsi olan Mehriban Atakişiyeva adlı qadına, bir hissəsini isə özünün keçmiş sevgilisi olan Raufa verib.

Təqsirləndirilən şəxs zərərçəkmiş Ə.Zeynalovun pullarını mənimsəmək üçün onun onu zəhərləyərək öldürmək istəyib.


Xeberoxu.az

Məqalə:     ##Bakıda    ##qadın    ##şirkət    ##rəhbərini    ##zəhərləyərək    ##yarım    ##milyon    ##dollarını    ##MƏNİMSƏDİ  
ANDROID əməliyyat sistemli smartfonlar
Bizimlə əlaqə saxlayın







Digər Hadisə xəbərləri


Xeberler 2022 və son xeberler 2022 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda      Reklam      Əlaqə

(051) 660-40-00

infoxeberoxu@gmail.com





© Xeberoxu.az 2021 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.