Canlı TV  Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



22 Sen
2019
20:29
822

22
Sen
20:29



Toyda iki musiqi qrupu, üç bahalı maşın... - Bu ölkədə toylarla bağlı qərar qəbul olundu
Qonaqlar 250 nəfərdən çox olmamalı, maksimum iki musiqi qrupu, ən çoxu üç lüks avtomobil - bu, Özbəkistan parlamentinin ifrat xərcləmə və sosial nifaqın qarşısını almaq məqsədilə qəbul etdiyi yeni toy mərasimləri qaydalarıdır.

Paytaxtda və ya digər böyük şəhərlərdə yaşayan orta özbək vətəndaş ayda $200-300 dollar arasında maaş alır. Lakin gəlin və kürəkənin ailələri çox vaxt toy mərasiminə $20,000 xərcləyir.

Bu məbləğdə pulların əldə edilməsi isə sonrakı illərdə böyük əziyyətlərə qatlaşaraq qaytarılması lazım gələcək borclara səbəb olur.

"Toylarımız heç bir müharibə olmadan ölkəni məhv edə biləcək səviyyəyə çatıb" yerli senator İqbal Mirzo ötən cümə günü bildirib və yeni qaydaların gələn ildən qüvvəyə minəcəyini deyib.

Bir çox özbək əsasən Rusiya olmaqla ailələrini dolandırmaq üçün xaricdə işləyir. Onların qazandıqları pullar əsasən evin təmirinə və toy mərasimlərinə xərclənir. 

2020-ci ilin yanvarından tətbiq olunacaq qaydalara görə, yas mərasimləri istisna olmaqla bütün ailə tədbirləri bir gün ərzində saat 6:00 - 23:00 arasında keçirilməlidir. Axşam saat 11-dən sonra tərbirlərin keçirilməsinə icazə verilmir. Yalnız yerli şərtlərdən asılı olaraq şəhər və kənd sovetləri bəzi istisnalarla bağlı qərar qəbul edə bilərlər.

Qaydalara görə, toya və yubileylərə dəvət edilən qonaqların sayı da 200 nəfəri keçməməlidir. Birgə keçirilən oğlan və qız toylarında isə dəvətli sayı 250-dən 300 nəfərə qədər ola bilər. 50 nəfərdən çox adamın iştirak edəcəyi tədbirlərə gəldikdə yeni qaydalar tələb edir ki, tədbiri keçirən şəxs əvvəlcədən kafe və restoranlarla müqavilə bağlamalıdır. Həmçinin 2 gündən gec olmayaraq planlaşdırılan tədbir barəsində daxili işlər orqanlarına yazılı şəkildə məlumat verməlidir.

Qaydalara əsasən müsaiqiçilərlə toy sahibləri arasında müqavilə imzalanmalıdır. Bundan başqa ailə tədbirlərində nəqliyyat xidmətləri (cənazələr istisna olmaqla) yalnız lisenziyalı daşıyıcılar tərəfindən təmin edilməlidir.Yeni qaydalarda yas mərasimlərinə qatılan insan sayı ilə bağlı məhdudiyyət nəzərdə tutulmayıb. Sənəddə açıq şəkildə bildirilir ki, həddən artıq və israfçılığın təzahürü "qadağandır" və anım tədbirlərinə "lazımsız" mərasimlər daxil edilməməlidir.

Bu qaydaya əməl etməyənləri 3 min dollara qədər cərimə gözləyir. Toy və yas mərasimləri ilə bağlı oxşar qadağalar qonşu Tacikstan və Qırğızıstanın bəzi bölgələrində də tətbiq edilir.

Qeyd edək ki, Azərbaycanda da toylarda, məclislərdə ifratçılıq, dəbdəbə illərdir müzakirə mövzusudur.(Virtualaz.org)
Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Bakıda silsilə oğurluqlar edən Ağdaş sakini saxlanıldı







Bakı Dövlət Sirki köçür?







DİN qanunsuz aksiya keçirmək istəyənlərə xəbərdarlıq edib - VİDEO







Baş həkim Xocavənd RİH əməkdaşının ölüm SƏBƏBİNİ açıqladı


Digər Dünya xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az