Haqqımızda   Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



08 Noy
2019
14:43
243

08
Noy
14:43



Maliyyə Bazarlarına Nəzarət Palatasında ABŞ-ın Azərbaycandakı səfirliyi ilə görüş keçirilib

Azərbaycan Respublikasının Maliyyə Bazarlarına Nəzarət Palatasında ABŞ Dövlət Departamentinin Qafqaz və Regional Konfliktlər Bürosunun direktoru xanım Şeril Fernandes, ABŞ-ın Azərbaycandakı səfirinin müavini Maykl Dikerson və səfirliyin iqtisadi məsələlər üzrə eksperti Peter Kaufmandan ibarət nümayəndə heyəti ilə görüş keçirilib.

Palatadan XeberOxu.Az-a  verilən məlumata görə, görüş zamanı qarşılıqlı əməkdaşlıq çərçivəsində görülmüş işlərə toxunulub, perspektiv məsələlər müzakirə edilib.

Palatanın İdarə Heyətinin sədri vəzifəsini icra edən İbrahim Alışov ölkə başçısı cənab İlham Əliyevin rəhbərliyi altında həyata keçirilən kompleks islahatların maliyyə sektorunun sağlamlaşdırılması və maliyyə sabitliyinin təmin olunmasında rolundan bəhs edərək Palatanın yaradılması, həyata keçirilmiş tədbirlər, islahatlar barədə məlumat verib. Daha sonra, ölkədə maliyyə inklüzivliyinin və KOB subyektlərinin maliyyə əlçatanlığının artırılması istiqamətində Palatanın iştirakı ilə 3 təsisatın - Kredit Zəmanət Fondu, Azərbaycan Kredit Bürosu və Daşınar Əmlakın Yüklülüyünün Dövlət Reyestrinin yaradılmasından və bu təsisatların maliyyə sektoruna təsirindən danışılıb, statistik göstəricilər diqqətə çatdırılıb.

Bununla yanaşı, Palata və ABŞ-ın müvafiq nəzarət orqanları ilə davam edən əməkdaşlıqdan, qarşılıqlı səfərlər, təcrübə mübadiləsindən bəhs olunub. Xüsusilə vurğulanıb ki, Palatanın əməkdaşları ABŞ-ın maliyyə nəzarəti orqanlarından Əmanətlərin Sığortalanması üzrə Federal Qurum, ABŞ-ın Qiymətli Kağızlar və Birjalar üzrə Kommisiyası, Milli Kredit İttifaqları Administrasiyası və Maliyyə Sektoruna Nəzarət Palatasında görüşlər keçirərək qabaqcıl təcrübə ilə yaxından tanış olublar.

Öz növbəsində, xanım Şeril Fernandes çıxışına ölkə rəhbəri cənab İlham Əliyevin iqtibası ilə başlayaraq Azərbaycanda iqtisadi islahatları dəstəkləmək üçün güclü və sabit maliyyə sektorunun əsas dayaq rolu oynadığını qey edib. Daha sonra, xanım Fernandes Palatanın maliyyə sektorunda baş verən böhran zamanında yaradıldığına baxmayaraq qısa müddət ərzində çox böyük uğurlar əldə etdiyini vurğulayaraq sektora yönəlmiş islahatların sabitliyin və diversifikasiyanın təmin olunması istiqamətində çox düzgün strategiya olduğunu bildirib. Eyni zamanda, Azərbaycanda bütün istiqamətlərdə nəzərəçarpan irəliləyişlərin qeydə alınmasının və Palata ilə ABŞ-ın nəzarət orqanları arasında sıx əməkdaşlıq əlaqələrinin təmin olunmasının öz ölkəsində müsbət qarşılandığını ifadə edib. Həmçinin, xanım Fernandes Palata və ABŞ-ın maliyyə qurumları arasında bu kimi görüşlərin Vaşinqtonda da təşkil edilməsinin qarşılıqlı əməkdaşlıq baxımından müsbət rol oynayacağını qeyd edib.

Tədbirin davamı olaraq, İ.Alışov Palatanın qarşıya qoyduğu prioritetlərdən, Bazel Konsultativ Qrupuna üzvlükdən, Bazel prinsiplərinin tətbiqi barədə görülmüş və gələcəkdə görüləcək işlərdən danışıb. Həmçinin bildirilib ki, Azərbaycanda ölkə rəhbərliyi tərəfindən aparılan islahatlar beynəlxalq nüfuzlu qurumlar və reytinq agentlikləri tərəfindən müsbət qiymətləndirilir. Belə ki, Azərbaycanın maliyyə bazarlarında hal-hazırda özünü biruzə verən pozitiv trendlər Beynəlxalq Valyuta Fondunun (IMF) son hesabatında müsbət qiymətləndirilmiş, Fitch, Moody’s və S&P kimi reytinq agentliklərinin ölkəmiz haqqında göstəricilərində müsbət dinamika müşahidə olunmuşdur. Eyni zamanda qürurverici məqam kimi, “Doing Business 2020” hesabatında kredit əlçatanlığı indikatoru üzrə Azərbaycanın 190 ölkə içərisində 1-ci yerdə qərarlaşması vurğulanıb və bunun ölkə rəhbərliyi tərəfindən maliyyə sektorunda aparılmış islahatlara verilmiş layiqli qiymət olduğu bir daha diqqətə çatdırılıb.

Görüş ABŞ-ın müvafiq qurumları ilə Palata arasında əməkdaşlıq perspektivlərinin müzakirəsi şəklində davam edib.

Məqalə:



Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Azərbaycanda orta aylıq nominal əməkhaqqı 35,8 faiz artıb







"Zaminbank"dan 1,337 milyon manat mənimsəyən bank işçilərinə hökm oxundu







"Smart-kart" tipli sayğaclar barədə yayılan məlumatlara dair "Azəriqaz"dan AÇIQLAMA







İlham Əliyev və Mehriban Əliyeva Maksim Qalkinin yaradıcılıq axşamında


Digər İqtisadiyyat xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az