Qarabağın dilbər güşələrindən biri olan Ağdam - hər abidəsi, hər kəndi, hər daşı tarix olan şəhər.Eyni zamanda ən çox şəhid verən, minlərcə əlili olan Ağdam tarixi qədim olan qədim diyar Xurşud Banu Natavan,  Pənahəli Xan izləri daşıyan yurdumuz Birinci Qarabağ müharibəsində 6 min şəhidi olan Ağdam və 44 günlük vətən müharibəsi... 

44 günlük Vətən müharibəsində müzəffər Azərbaycan Ordusunun zəfəri on minlərlə soydaşımız kimi Ağdam sakinlərinin də yurd həsrətinə son qoydu. 

Bu gün böyük fəxr və sevinclə Ağdama tez-tez səfər edirik. Erməni işğalçıları Azərbaycanın böyük və strateji əhəmiyyət kəsb edən rayonlarından olan Ağdamda görünməmiş vandalizm həyata keçiriblər. 

Ağdamı viran edən erməni vandalları tarixi abidələri, qəbiristanlıqları da dağıdıblar. 

Vaxtilə Azərbaycanın ən varlı rayonu olan Ağdamda indi talan edilərək dağıdılan, Qafqazın Xirosimasına çevrilən xarabalıqlar qalıb. Ancaq bütün bunlar doğma torpaqlarımıza qovuşmaq sevincinə kölgə sala bilməz. İşğaldan azad edilən Ağdam rayonu tezliklə bərpa ediləcək, yenidən qurulacaq.

Ətraflı Baku TV-nin süjetini təqdim edirik: