Ağdamın Əfətli kəndində əkin sahəsində partlayış baş verib.

Xəbəroxu.Az apa-ya istinadən xəbər verir ki, kənd sakini Elmir Yusifov ekskavatorla arx qazan zaman nəqliyyat vasitəsi torpağa basdırılmış partlamamış mərmiyə toxunub.

Nəticədə partlayış baş verib. Hadisə zamanı texnikaya ziyan dəyib.

Hadisə yerinə baxış keçirilən zaman daha bir partlamamış tank əleyhinə mina aşkarlanıb.

E.Yusifov isə yüngül dərəcəli xəsarətlər alıb. Faktla bağlı Ağdam rayon prokurorluğunda araşdırma aparılır.