Ekologiya və Təbii Sərvətlər Nazirliyinin verdiyi məlumata əsasən martın 21-dək davam edəcək dumanlı hava şəraiti ilə əlaqədar hazırda ölkə ərazisində görünüş məsafəsi 200-500 metrədək məhdudlaşıb.

Xeberoxu.Az xəbər verir ki, bu barədə DİN-in Baş Dövlət Yol Polisi İdarəsindən məlumat verilib.

"Qeyri-iş günlərində respublikanın avtomobil yollarında hərəkət intensivliyinin əhəmiyyətli dərəcədə artacağını da nəzərə alaraq, səfərə çıxan sürücüləri mövcud hava şəraitini düzgün qiymətləndirməyə, bayram ərəfəsində xoşagəlməz hadisələrin yaşanmaması üçün təhlükəsizlik qaydalarına ciddi əməl etməyə çağırırıq", - deyə idarədən bildirilib.