Yuxusuzluğa səbəb olan QİDALAR

Keyfiyyətli yuxu əsasən axşamı necə keçirdiyinizdən və axşam yeməyində nə yediyinizdən asılıdır. Buna görə də gecə istirahətinizi poza biləcək bir sıra qidaları qəbul etməməyə çalışın.

Xəbəroxu.Az xarici KİV-ə istinadən xəbər verir ki, həkimlər yuxu qaçıra məhsulların siyahısını tərtib ediblər.

Şokolad - Bu qidada teobromin var ki, bu da sinir sistemini stimullaşdırır və yuxuya getməyi çətinləşdirir. Bu məhsulun axşam yeməyində istifadəsi yuxunuzu poza bilər, buna görə də onu saat 6-dan əvvəl yemək daha yaxşıdır.

Acılı qidalar - mədə yanmasına və mədə-bağırsaq traktının pozulmasına səbəb ola bilər ki, bu da yuxuya mane olur. Bundan əlavə, belə bir yeməkdən sonra daim su içmək istəməyiniz mümkündür ki, bu da yuxuya getməyinizə mane olacaq.

Yağlı qidalar - mədənin turşuluğunu artıra və yuxunun keyfiyyətinə təsir edə bilər. Üstəlik, onların həzm olunması çox vaxt aparır, ona görə də yəqin ki, gecələr səbəbini bilmədən oyanacaqsınız.

Sitrus meyvələri - onlarda yüksək turşu var, bu, reflüyə səbəb ola və yuxunu poza bilər. Bundan əlavə, portağal və limon çox canlandırıcıdır. Buna görə də onları axşam deyil, günorta yemək daha yaxşıdır.

İçkilər - yuxusuzluğa səbəb ola bilər. Yuxunun əsas düşmənləri siyahısında ilk növbədə, əlbəttə ki, qəhvə dayanır. Kofein sinir sistemini həyəcanlandıra və yuxuya getməyi çətinləşdirə bilər. Buna görə də axşam saat 5-dən əvvəl qəhvə içmək daha yaxşıdır. Kofein çayda da var və buna görə də yatmazdan qısa müddət əvvəl ondan imtina etmək lazımdır.

Qazlı içkilər - tərkibində sinir sistemini həyəcanlandıran və yuxuya getməyi çətinləşdirən maddə var. Yatmazdan əvvəl adi su və ya bitki çayları içmək daha yaxşıdır.