Cənubi Koreya Rusiya ilə Şimali Koreya arasında hərbi əməkdaşlığı qanunsuz adlandırır

Cənubi Koreya prezidenti Yun Seok-yeol Rusiya ilə KXDR arasında mümkün hərbi əməkdaşlığı qeyri-qanuni adlandırıb.

Xeberoxu.Az rus mətbuatına istinadən xəbər verir ki, O, bu barədə Associated Press agentliyinə müsahibəsində bildirib.

"Şimali Koreya ilə Rusiya arasında hərbi əməkdaşlıq BMT Təhlükəsizlik Şurasının qətnamələri və digər beynəlxalq sanksiyalara zidd olduğu üçün qeyri-qanuni və yanlışdır", - Yoon Seok-yeol deyib.

Cənubi Koreya prezidenti beynəlxalq ictimaiyyətin bu cür hərəkətlərə cavab olaraq daha da birləşəcəyinə əminliyini ifadə edib.

Bundan əvvəl Cənubi Koreya hökuməti Moskva və Pxenyan arasında silah tədarükü ilə bağlı razılıq əldə olunarsa, Rusiya və KXDR-ə qarşı birtərəfli sanksiyaların tətbiq oluna biləcəyini etiraf etmişdi.

Sentyabrın 13-də Rusiya prezidenti Vladimir Putin “Vostochnıy” kosmodromunda Şimali Koreya lideri Kim Çen Inla danışıqlar aparıb. Ümumilikdə sammit altı saata yaxın davam edib. Jurnalistlərin KXDR ilə hərbi-texniki əməkdaşlıqla bağlı sualını cavablandıran Putin bu sahədə Rusiyanın müşahidə etdiyi beynəlxalq məhdudiyyətlərin olduğunu vurğulayıb. "Ancaq elə şeylər var ki, biz, əlbəttə, danışa bilərik, müzakirə edirik, bu barədə düşünürük", - Rusiya prezidenti qeyd edib, Moskva və Pxenyanın konkret nəyi müzakirə etdiyini açıqlamayıb.