"Azərbaycan öz suverenliyini bərpa edib": Dövlətimizin başçısı

İkinci Qarabağ müharibəsi başa çatdıqdan sonra 300-dən çox Azərbaycan vətəndaşı mina terrorunun qurbanı olub. Dünənki terror aktı da bu kateqoriyadan olan bir hadisə idi.

Xeberoxu.Az xəbər verir ki, bu barədə Prezident İlham Əliyev xalqa müraciətində bildirib.

Dövlət başçısı qeyd edib ki, İkinci Qarabağ müharibəsindən sonra Laçın sərhəd-keçid məntəqəsi yaradılana qədər Ermənistandan Azərbaycanın Qarabağ bölgəsinə qeyri-qanuni minalar gətirilərək müxtəlif yerlərdə quraşdırılıb. “Bir müddət əvvəl Azərbaycan Silahlı Qüvvələri tərəfindən aşkar edilmiş minalar Rusiya sülhməramlı kontingentinin və Rusiya-Türkiyə monitorinq mərkəzinin nümayəndələrinə nümayiş etdirilib və onlardan ciddi tədbirlər görülməsi tələb olunub. Bu minalar 2021-ci ildə Ermənistanda istehsal edilib. Bu, bir daha onu göstərir ki, bu minalar İkinci Qarabağ müharibəsindən sonra Azərbaycana qarşı terror aktları törətmək üçün məqsədli şəkildə gətirilib”, - Prezident İlham Əliyev vurğulayıb.

Dünən saat 13:00 radələrində antiterror tədbirlərinə başlanması və onların uğurla başa çatdırılması nəticəsində Azərbaycan öz suverenliyini bərpa edib.

Terrorizmə qarşı mübarizə tədbirləri nəticəsində hərbçilərimizin böyük qəhrəmanlıq, şücaət və peşəkarlıq nümayiş etdirdiyini qeyd edən dövlətimizin başçısı vurğulayıb: “Çətin relyef şəraitində, nəticədə düşmənin uzun illər ərzində tikdiyi istehkamların mövcud olduğu şəraitdə Düşmən mövqelərinin təpələrdə və əlverişli yerlərdə yerləşməsinə baxmayaraq, hərbçilərimiz qəhrəmanlıq, peşəkarlıq nümayiş etdirərək qısa müddətdə bütün istiqamətlərdə mühüm hərbi uğurlar qazanıblar. Ermənistan dövləti tərəfindən qanunsuz olaraq Azərbaycan ərazilərində yerləşdirilən və Ermənistanın öhdəliklərinə baxmayaraq, hələ də çıxarılmayan ordunun əhəmiyyətli hissəsi tamamilə məhv edilib. Hərbi texnika məhv edilərək sıradan çıxarılıb”.

Əməliyyat başlamazdan əvvəl mən bir daha bütün hərbi birləşmələrimizə ciddi göstəriş verdim ki, Qarabağ bölgəsində yaşayan erməni əhalisi antiterror tədbirləri nəticəsində hücuma məruz qalmasın, mülki əhali isə qorunur.

“Biz buna dəqiq silahlardan istifadə etməklə nail olduq və eyni zamanda, Silahlı Qüvvələrimizin peşəkarlığı sayəsində mülki əhali özünü tam qorunmuş hiss etdi. Eyni zamanda, mülki infrastruktura hər hansı hücumun həyata keçirilməməsi, yalnız hərbi infrastrukturun sıradan çıxarılması ilə bağlı tapşırıqlar verilib”, - deyən dövlətimizin başçısı ordumuzun peşəkarlığı və texniki imkanlarının bizə bu vəzifəni şərəflə yerinə yetirməyə imkan verdiyini vurğulayıb.