Cüdo yığmamız Fransaya uduzdu
Cüdo üzrə Azərbaycan millisi Polşada keçirilən III Avropa Oyunlarınada növbəti görüşünü keçirib.
Xəbəroxu.Az xəbər verir ki, Nəriman Mirzəyev, Rəşid Məmmədəliyev (hər ikisi 73 kq), Elcan Hacıyev, Vüqar Talıbov (hər ikisi 90 kq), Camal Qamzatxanov, İmran Yusifov (hər ikisi +90 kq), Fidan Əlizadə (57 kq), Südabə Ağayeva, Günel Həsənli (hər ikisi 70 kq), Nərmin Əmirli və Nigar Süleymanovadan (hər ikisi +70 kq) ibarət kollektiv qarışıq komanda yarışlarının 1/8 finalında Fransa ilə üz-üzə gəlib.
Qarşılaşma rəqibin 4:0 hesablı qələbəsi ilə başa çatıb.
Fransa seçməsi 1/4 finalda İtaliyaya uduzduğundan Azərbaycan millisi təsəlliverici görüşlərə qatılmaq şansını itirib.